(વર્તમાન પ્રવાહ ન્યુઝ નેટવર્ક)
દીવ, તા.07 : કેન્દ્ર શાસિત પ્રદેશ દીવ ખાતે દર વર્ષની જેમ આ વર્ષે પણ દિવાળી નજીક આવતા દીવ પ્રશાસન દ્વારા દરેક મિઠાઈની દુકાનોમાં સઘન તપાસ તથા મિઠાઈ અને ફરસાણના સેમ્પલ લેવામાં આવ્યા હતા. ફુડ ઈન્સ્પેક્ટર રોહિત સોલંકી તથા તેની ટીમ દ્વારા દિવાળી દરમિયાન બનતી મિઠાઈ તથા ફરસાણની તપાસ હેતુ દીવ જિલ્લાની દરેક મિઠાઈની દુકાનોમાં પહોંચી તપાસ કરશે.
આજે દીવ પદ્મભૂષણ કોમ્પલેક્ષ નજીક આવેલ રાધે ક્રિષ્ના સ્વીટ એન્ડ નમકીનની દુકાન ખાતે દુકાનદારને પૂછતાછ તથા સેમ્પલ લેવાયા. આ સેમ્પલ વડોદરા અને સુરત લેબમાં તપાસ અર્થે મોકલાવવામાં આવશે. આ મિઠાઈના કે ફરસાણના રિપોર્ટમાં કાંઈ પણ કચાસ કે ગળબળ જોવા મળશે તો દુકાનદાર પણ કાયદેસરની કાર્યવાહી કરવામાં આવશે.
