શાકભાજી વેચવા બેસેલી મહિલાના ગળામાંથી સોનાની ચેન ઝુંટવી બાઈક પર આવેલા બે યુવાનો ફરાર
(વર્તમાન પ્રવાહ ન્યુઝ નેટવર્ક)
સરીગામ, તા.08: ઉમરગામના ખતલવાડામાં સાંજના સમયે ચેઈન સ્નેચિંગની ઘટના બનવા પામી છે. બાઈક પર આવેલા બે યુવાનો શાકભાજી વેચવા બેસેલી મહિલાના ગળામાંથી સોનાની ચેન આચકી ફરાર થઈ જતા ચકચાર સાથે અસલામતી ભર્યું વાતાવરણ સર્જાવા પામ્યું છે.
પોલીસ સુત્રો પાસેથી પ્રાપ્ત થતી માહિતી મુજબ ખતલવાડા ગામે કામરવાડ વિસ્તારમાં રહેતી ઉષાબેન જમનાદાસ કામળી ઉંમર વર્ષ 58 રાબેતા મુજબ શાકભાજી વેચવા માટે બજારમાં આવી હતીઅને એમના વેચવાના સ્થળે બેસીને શાકભાજી વેચી રહી હતી તે સમય દરમિયાન એક ચોર ઈસમ શાકભાજી લેવાના બહાને મહિલા પાસે આવ્યો હતો. અને તકનો લાભ મેળવી મહિલાએ ગળામાં પહેરેલી રૂપિયા 55000 કિંમતની સોનાની ચેઈન ઝૂંટવી બાજુમાં ઉભેલ કાળા કલરની બાઈક સાથે એમના જોડીદાર સાથે ભાગી છુટયો હતો. બંને સ્નેચરો અંદાજિત 30 થી 35 વર્ષની ઉંમરના તેમજ ગુજરાતી ભાષા બોલતા હોવાની માહિતી પ્રાપ્ત થઈ રહી છે. આ ઘટનાની ફરિયાદ ઉમરગામ પોલીસ મથક આપતા આગળની તપાસ હાથ ધરી છે.
