સુદામા પાસવાસ માલિકીની જમીનમાં ગેરેજ બનાવતા બિલ્ડીંગની રોનક ઓછી થતા બિલ્ડર હિતેશ ભાનુશાલીએ ધમકી આપી
(વર્તમાન પ્રવાહ વાપી બ્યુરો)
વાપી, તા.23: વાપી વિસ્તારમાં જમીન અને નવા બાંધકામો અંગે ઘણા વિવાદ થતા રહ્યા છે તેવો વધુ વિવાદ વાપીના મોરાઈમાં સામે આવ્યો છે. નિર્માણાધિન બિલ્ડીંગ સામે એક ટુકડો જમીન ધરાવતા જમીન માલિકે ગેરેજનું બાંધકામ શરૂ કરતા બિલ્ડરે જમીન માલિકને બાંધકામ તોડી પાડવાની ધમકી અને હેરાનગતિ શરૂ કરી હતી તેથી જમીન માલિકે ટાઉન પોલીસમાં લેખિત ફરિયાદ બિલ્ડરની વિરૂધ્ધ આપી છે.
વાપી મોરાઈમાં સામાન્ય ગેરેજનું કામકાજ કરતા સુદામા પાસવાને મોરાઈમાં નાનો ટુકડો જમીન જે તે સમયે ખરીદી હતી. પંચાયત દફતરે આ જમીન સુદામાના નામે 7/12માં રેકર્ડ ઉપર છે. બીજા તરફ અહીં મોટી જગ્યા રાખીને બિલ્ડર હિતેશ ભાનુશાલી મોટી બિલ્ડીંગનું નિર્માણ શરૂ કરેલ છે. સુદામાએ પોતાના જમીન ઉપર રોજીરોટી માટે ગેરેજ બનાવવા માટે કાચા શેડની શરૂઆત કરતા બિલ્ડરે સુદામાને ધમકી આપી હતી કે અમારી બિલ્ડીંગની રોનક તમારી ગેરેજથી ઓછી થઈ જશે તેથી તોડા પાડીશું. એક વાર જે.સી.બી. પણ બોલાવાયેલ. બન્ને પક્ષે કોઈ સમાધાન નહી થતા નાનો ટુકડો ધરાવતા જમીન માલિક સુદામા પાસવાને વાપી ટાઉન પોલીસમાં લેખિત ફરિયાદ નોંધાવી છે.