દમણમાં રહેતા મોહંમદ આમીર નબી કુરેશીની અટક કરી મુદ્દામાલ જપ્ત કરાયો
(વર્તમાન પ્રવાહ વાપી બ્યુરો)
વાપી, તા.14: વલસાડ રેલવે સ્ટેશન બહાર પાર્ક કરેલ મોપેજની ચોરી થયાની ફરિયાદ બાદ એલ.સી.બી.એ તપાસ હાથ ધરી હતી. નાસતો ફરતો આરોપી ચોરને ઝડપી પાડવાની પોલીસને સફળતા મળી છે. દમણમાં રહેતા આરોપીને વાપીમાંથી દબોચી લેવાયો છે.
બે મહિના પહેલા વલસાડ સ્ટેશન ઉપર પાર્ક કરેલ મોપેડ નં.જીજે 15 ડીએફ 9925 ચોરાઈ ગયું હતું. જેની તપાસ ચાલુ હતી. એલ.સી.બી. હે.કો. સહદેવસિંહ અને કુલદીપસિંહને મળેલી બાતમી આધારે ગુરૂવારે આરોપી મોહંમદ આમીર નબી કુરેશી રહે.નાની દમણ હાટીયાવાડ ચાર રસ્તાને પોલીસે આજે મુદ્દામાલ સાથે વાપીથી પકડી લીધો હતો. મુદ્દામાલ 25 હજારનું મોપેડ અનેઆરોપીને વધુ તપાસ માટે વાપી ટાઉન પોલીસને સુપરત કરવામાં આવ્યો હતો.
