(વર્તમાન પ્રવાહ ન્યુઝ નેટવર્ક)
દમણ, તા.14 : આવતીકાલથી દમણ-દીવ લોકસભા ચૂંટણીના ભાજપના ઉમેદવાર શ્રી લાલુભાઈ પટેલ મોટી દમણમાં પોતાના ચૂંટણી પ્રચારના શ્રીગણેશ કરશે.
આવતીકાલે મોટી દમણ પટલારાના આંબાવાડી ખાતે મીટનાવાડમાં આવેલ શ્રી રામ મંદિરથી ભાજપના ઉમેદવાર અને સાંસદ શ્રી લાલુભાઈ પટેલ પોતાના પ્રચારના શ્રીગણેશ કરશે. જેમાં મોટી સંખ્યામાં ભાજપના પદાધિકારીઓ, ચૂંટાયેલા જન પ્રતિનિધિઓ, મોરચા અને મંડળના હોદ્દેદારો તથા કાર્યકર્તાઓને ઉપસ્થિત રહેવા પ્રદેશ ભાજપ અધ્યક્ષ શ્રી દીપેશભાઈ ટંડેલે વિનંતી કરી છે.
