થારના ચાલકે કાબુ ગુમાવતા આગળ જઈ રહેલ ટેમ્પો ટ્રાવેલ્સને ભટકાવી હતી
(વર્તમાન પ્રવાહ વાપી બ્યુરો)
વાપી, તા.22: વાપી નેશનલ હાઈવે વૈશાલી ઓવરબ્રિજ પાસે રવિવારે થાર જીપ અને ટેમ્પો ટ્રાવેલ્સ બસ વચ્ચે અકસ્માત સર્જાયો હતો. અકસ્માતમાં સદ્દનસીબે કોઈ જાનહાની થઈ નહોતી પરંતુ બન્નેવાહનો નુકશાનગ્રસ્ત થયા હતા. અકસ્માતને લઈ હાઈવે જામ થયો હતો.
વાપી હાઈવે વૈશાલી પુલ નજીક રવિવારે સાંજે થાર જીપ નં.જીજે 21 ડીએમ 5230ના ચાલકે અચાનક સ્ટેયરીંગ ઉપરથી કાબુ ગુમાવતા આગળ જતી ટેમ્પો ટ્રાવેલ્સ બસ નં.જીજે 21 ડબલ્યુ 3617 સાથે ધડાકાભેર અથડાવતા અકસ્માત સર્જાયો હતો. અકસ્માતમાં બન્ને વાહનો નુકશાનગ્રસ્ત થયા હતા. ઘટના સ્થળે પહોંચેલી પોલીસે ક્રેઈનની મદદથી વાહનો સાઈડીંગ કર્યા હતા. અકસ્માતમાં કોઈને ઈજા કે જાનહાની થવા પામી નહોતી પરંતુ કલાકો સુધી હાઈવે જામ થયો હતો. પોલીસની દરમિયાનગીરી બાદ હાઈવે રાબેતા મુજબ કાર્યરત થયો હતો.
