મધરાતે ત્રણ વાગે બનેલી ઘટના બાદ પાટામાં ફસાયેલી કાર મહા મહેનતે બહાર કઢાઈ
(વર્તમાન પ્રવાહ વાપી બ્યુરો)
વાપી, તા.22: વાપી બલીઠા ફાટક ઉપર વિચિત્ર પ્રકારનો અકસ્માત મંગળવારે રાત્રે ત્રણ વાગ્યાના સુમારે સર્જાયો હતો. દમણ તરફથી આવી રહેલ કાર ફાટક ક્રોસ કરતા સ્ટીયરીંગ પરથી કાબુ ગુમાવતારેલવે પાટામાં કાર સજ્જડ રીતે ફસાઈ હતી.
દમણથી મધરાતે વાપી તરફ આવી રહેલ કાર નં.જીજે 05 આરઆરનો ચાલક બલીઠા ફાટક ક્રોસ કરી રહ્યો હતો ત્યારે સ્ટીયરીંગ ઉપર કાબુ ગુમાવતા કાર સીધી પાટા ઉપર ચઢીને પાટામાં બરાબર ફસાઈ ગઈ હતી. મધરાતે બનેલા અકસ્માતથી રેલવે વહેવાર પ્રભાવિત થયો હતો. બાદમાં આજુબાજુ નજીક લોકોને જગાડીને મહા મહેનતે પાટામાં ફસાયેલી કાર બહાર કાઢવા દરમિયાન એકાદ કલાક રેલ વહેવાર અટવાઈ પડયો હતો.
