સ્મશાન યાત્રા દરમિયાન હિબકે ચડેલું આખું ગામઃ વિશાલ પટેલનો સદા હસતો અને મળતાવડો ચહેરો હંમેશા યાદ રહેશે
(વર્તમાન પ્રવાહ ન્યુઝ નેટવર્ક)
દમણ, તા.24 : મોટી દમણના ભાઠૈયા ખાતે રહેતા અને સંઘપ્રદેશ પોલીસમાં પોલીસ કોન્સ્ટેબલ તરીકે ફરજ બજાવતા શ્રી આશિષ ઉર્ફે વિશાલ પટેલનું ડેંગ્યુના કારણે આકસ્મિક નિધન થતાં સમગ્ર વિસ્તારમાં શોકની લાગણી છવાઈ જવા પામી હતી.
પ્રાપ્ત માહિતી પ્રમાણે શ્રી વિશાલ પટેલ પોતાના પોલીસબેડામાં પણ ખુબ જ લોકપ્રિય હતો અને દરેક કાર્યો સંપૂર્ણ નિષ્ઠાથી કરતો હતો. આજે ખબર મળતાં જ પી.આઈ. શ્રી સોહિલ જીવાણી, પી.આઈ. શ્રી સબાસ્ટિયન દેવાસિયા, પી.એસ.આઈ. શ્રીડાહ્યાભાઈ ડોબરિયા, પી.એસ.આઈ. શ્રી રાઠોડ સહિતના અધિકારીઓ પણ સ્મશાન યાત્રામાં જોડાયા હતા.
સ્વ. વિશાલ પટેલની અણધારી વિદાયથી આજે આખું ગામ હિબકે ચડયું હતું અને દરેકના ઘરમાં શોક અને સંતાપનું વાતાવરણ હતું. સ્વ. વિશાલ પટેલ પોતાની ધર્મપત્ની, માતા-પિતા તથા બહેન સહિત વિશાળ પરિવારને કલ્પાંત કરતા છોડી ગયા છે.
