ખંડ-7 માં 157 અને ખંડ-8 ના 129 મતદારોએ મતદાન કર્યું :
રાજ્ય સ્તરની કારોબારીની રચના થશે
(વર્તમાન પ્રવાહ વાપી બ્યુરો)
વાપી, તા.25: ગુજરાત રાજ્યની કાર્યરત ગ્રાંટેડ અને નોન ગ્રાન્ટેડ માધ્યમિક અને ઉચ્ચત્તર માધ્યમિક શાળાઓ માટેનું બોર્ડ કાર્યરત છે. રાજ્ય સ્તરના આ બોર્ડની સામાન્ય ચૂંટણી આજે વલસાડમાં યોજાઈ હતી. જેમાં વિવિધ સ્તરના સભ્યોએ મતદાન કર્યું હતું. ધારાસભ્ય જીતુભાઈ ચૌધરી પણ બોર્ડના સભ્ય હોવાથી વલસાડમાં મતદાન કર્યું હતું.
ગુજરાત રાજ્ય માધ્યમિક-ઉચ્ચત્તર માધ્યમિકની કાર્યરત ગ્રાન્ટેડ-નોન ગ્રાન્ટેડ તમામ શાળાઓનું એક મધ્યસ્થ બોર્ડ રાજ્ય સ્તરે કાર્યરત છે. આ બોર્ડમાં ખંડ-7 અને ખંડ-8 ના સભ્યોને મતદાન કરવાનું હોય છે. વલસાડ જિલ્લામાં ખંડ-7 માં 157 મતદારો છે અને ખંડ-8 માં 129 મતદારો છે. આ મતદારો સ્કૂલ સંચાલક મંડળ, ટ્રસ્ટી, આચાર્ય વિગેરેનો સમાવેશ થતો હોય છે. મતદાન બાદ ચૂંટણીના વિજેતા ઉમેદવારો મધ્યસ્થ કારોબારીની ચૂંટણીમાં ભાગ લઈ શકે છે. માધ્યમિક-ઉચ્ચ માધ્યમિક શિક્ષણ બોર્ડમાં રાજ્યની તમામ શાળાઓના પ્રતિનિધિ હોય છે. શાળા-શિક્ષણની સમસ્યા, પ્રશ્નોનું સરકાર સાથે સંકલન કરવાની જવાબદારી બોર્ડ અદા કરે છે.
