(વર્તમાન પ્રવાહ વાપી બ્યુરો)
વાપી, તા.25: હાઈવે ઉપર વાહનોમાં આગ લાગવાનો સિલસિલો યથાવત. વાહનમાં આગ લાગવાનો વધુ એક બનાવ. ભિલાડ નજીક ચારોટી (મહારાષ્ટ્ર) હાઈવે ઉપર આજે બુધવારે એક ટ્રકમાં ભિષણ આગ લાગી હતી. આગની જાણ થતા અફરા તફરી મચી જવા પામી હતી.
ચારોટી હાઈવે ઉપર આજે સવારે 10 વાગ્યાના સમયની આસપાસ એક ટ્રકમાં આગ ભભૂકી ઉઠી હતી. આગની જાણ થતા ડ્રાઈવર સમય સુચકતા દાખવી ટ્રકમાંથી કુદી પડતા તેનો ચમત્કારિક બચાવ થયો હતો. આગની જાણ થતા હાઈવે ઉપર જતા આવતા વાહનો થોભાવી લોકોએ આગ બુઝાવાની ભારે જહેમત શરૂ કરી દીધી હતી. જો કે આગ લાગવાનું કારણ અકબંધ રહ્યું છે. હાઈવે ઉપર વાહનોમાં આગ લાગવાનું મુખ્ય કારણ શોર્ટ સર્કિટ મનાય છે. તપાસ બાદ સાચી હકિકતો બહાર આવશે.
