(વર્તમાન પ્રવાહ ન્યુઝ નેટવર્ક)
સેલવાસ, તા.29
સેલવાસ નગરપાલિકા વિસ્તારમાં આવેલ પંચાયત માર્કેટમાં પાલિકાનું ભાડુ નહી ભરનાર દુકાનદારોની 19 દુકાનોને સીલ કરવામા આવી હતી.
પ્રાપ્ત માહિતી અનુસાર સેલવાસ નગરપાલિકા દ્વારા પાલિકા સંચાલિત પંચાયત માર્કેટના દુકાનદારોનું ભાડુ ભરવાનું બાકી હોય તેવા લોકો સામે સેલવાસ પાલિકાના અધિકારીઓ, કર્મચારીઓએ પોલીસ ટીમના સહયોગ દ્વારા દુકાનોને સીલ કરવાની કાર્યવાહી હાથ ધરવામાં આવી હતી.
સેલવાસ નગરપાલિકા દ્વારા દાદરા નગર હવેલી નગરપાલિકા અધિનિયમ 2004ની ધારા 142 મુજબ આ દુકાનદારોને નોટિસ આપવામા આવી હતી. જેમાં તેઓને 15 દિવસની અંદર પોતાની બાકી ભાડાની રકમ ભરી જવા માટે નોટિસ આપવામા આવી હોવા છતાં પણ કેટલીક દુકાનદારોએ ભાડાની રકમ જમા નહી કરાવી હતી.
ત્યારબાદ ધારા143, દાનહ નગર પાલિકા અધિનિયમ 2004 મુજબ દરેક ભાડુ નહી ભરનારના નામ પર ફોરમ ઓફ વોરંટ 25મી નવેમ્બરના રોજ જારી કરવામા આવ્યો હતો. જે અંતર્ગત પાલિકા દ્વારા આવી 19 દુકાનોને સીલ કરવામા આવી છે.
