(વર્તમાન પ્રવાહ ન્યુઝ નેટવર્ક)
દમણ, તા.20
નાની દમણ વૈદિક ડેન્ટલ કોલેજ ખાતેઆઈસ સ્ટોક સ્પોર્ટ્સ એસોસિએશન દ્વારા દાનહ અને દમણ-દીવ માટે સમર વર્જન ટ્રેનિંગ કેમ્પનું આયોજન કરવામાં આવ્યું હતું. આઈસ સ્ટોક ગેમ વિન્ટર ઓલમ્પિકમાં રમવામાં આવે છે. આ ટ્રેનિંગ કેમ્પમાં ખેલાડીઓને આઈસ સ્ટોક ગેમના નિયમોની જાણકારી આપવામાં આવી હતી.
આ કાર્યક્રમમાં મુખ્ય અતિથિ તરીકે શ્રી અસ્પી દમણિયા ઉપસ્થિત રહ્યા હતા. તેમણે કેમ્પના તમામ ખેલાડીઓને મેડલ આપી સન્માનિત કર્યા હતા. કાર્યક્રમમાં વિશેષ મહેમાન તરીકે ગુજરાત એસોસિએશનના વાઈસ પ્રેસિડેન્ટ શ્રી વિકાસ કુમાર ઉપસ્થિત રહ્યા હતા સાથે સાથે ગુજરાતથી આવેલ નેશનલ ખેલાડીઓ પૃથ્વી અને દૃષ્ટિએ ખેલાડીઓને પ્રોત્સાહિત કર્યા હતા.
દાનહ અને દમણ એસોસિએશનના સેક્રેટરી ફિલીયા થોમસને તમામ ખેલાડીઓને પ્રમાણપત્ર આપી સન્માનિત કર્યા હતા અને ઓનર એકેડમીને આ સફળ કાર્યક્રમના આયોજન બદલ આભાર માન્યો હતો.
