(વર્તમાન પ્રવાહ ન્યુઝ નેટવર્ક)
સેલવાસ, તા.17
સેલવાસના વિનોબાભાવે સિવિલ હોસ્પિટલની પાછળ આવેલ ફ્રુટગલીમાં મોડીરાત્રે કોઈક કારણસર અચાનક આગ લાગતા દોડધામ મચી હતી.
સેલવાસ પાલિકા પ્રમુખ શ્રી રાકેશસિંહ ચૌહાણના ઘર નજીક એક દુકાનમાં આગ લાગેલી જોતા ત્યાંથી ગાડીમાં પસાર થઇ રહેલ પ્રમુખે ફ્રૂટના દુકાનદારને અને સાથે ફાયર વિભાગને તાત્કાલિક ફોન કરી જાણ કરી હતી.
ફાયર વિભાગની ટીમે તાત્કાલિક ઘટના સ્થળે પહોંચી અડધો કલાકની જેહમત બાદ આગ પર કાબૂ મેળવ્યો હતો. દુકાનદાર લાલચંદ મોર્યાના જણાવ્યા અનુસાર આખી દુકાન ફ્રૂટથી ભરેલી હતી. જે આખી દુકાન સાથે બળીને રાખ થઈ ગયુ છે જેને કારણે હજારો રૂપિયાનું નુકસાન થયુ હોવાની માહિતી પ્રાપ્ત થઈ છે.
