કોઈપણ પરમીશન વગર કથામાં 300 ઉપરાં લોકો એકઠા થયા હતા : કોરોનાના ગાઈડલાઈનનું ઉલ્લંઘન
(વર્તમાન પ્રવાહ વાપી બ્યુરો)
વાપી, તા.19
પારડી તાલુકાના તરમાલીયા ગામે આજે બુધવારે પોલીસ એક કથાના આયોજનમાં ત્રાકટકી હતી. કલેક્ટરના જાહેરનામાનો ભંગ થતા પોલીસે કોઈપણ સેહશરમ રાખ્યા વગર ચાર આયોજકોની અટક કરી હતી તેમજ કથા અટકાવી દેવાઈ હતી.
પારડીના તરમાલીયા ગામે કોઈપણપરમીશન વગર કથાનું આયોજન ચાલી રહ્યું છે. તેવી માહિતી બાદ પોલીસ કથામાં ત્રાટકી હતી. કથામાં કથાકાર સહિત 300 ઉપરાંત લોકો એકઠા થયા હતા. સોશિયલ ડિસ્ટન્સનો અભાવ તેમજ કોઈએ પણ માસ્ક પહેર્યા નહોતા. તેથી કલેક્ટરના જાહેરનામાનો સદંતર ભંગ થયેલો હોવાથી પોલીસે કથા આયોજક વિનોદ બાબુભાઈ પટેલ, આશિષ છીબુભાઈ પટેલ, હિતેશ ઉત્તમભાઈ પટેલ, યોગેશ ભવાનભાઈ પટેલ એમ ચાર આયોજકની અટક કરી કાયદેસરની કાર્યવાહી કરી આયોજન અટકાવી દેવાયું હતું.
