પંચાયતમાં કોઈપણ ઠરાવ વગર બાવળના ર0 જેટલા વૃક્ષ સરકારી ગોચરમાંથી કાપ્યાઃ જરૂરી દસ્તાવેજી પૂરાવા રજૂ
(વર્તમાન પ્રવાહવાપી બ્યુરો) વાપી, તા.16
વાપી નજીક આવેલા કોપરલી ગામે સરકારી ગોચરના વૃક્ષો ગેરકાયદે કાપી નાંખવામાં આવતા પંચાયતના સભ્યએ ડીડીઓમાં લેખિત ફરિયાદ કરીને કાયદેસરની કાર્યવાહી સરપંચ સહિત જવાબદારો સામે કરવાની માંગણી કરવામાં આવેલ છે.
કોપરલી ગ્રામ પંચાયત વોર્ડ નં.9ના મયુર નરોત્તમભાઈ પટેલે જિલ્લા વિકાસ અધિકારી (ડી.ડી.ઓ.)માં લેખિત ફરિયાદ કરી છે. ફરિયાદ અનુસાર કોપરલી ગામે સરકારી ગોચરમાં આવેલા ર0 જેટલા બાવળના વૃક્ષો ગેરકાયદે કાપી નાંખવામાં આવ્યા છે. આ બાબતે પંચાયતમાં કોઈ ઠરાવ કરાયેલ નથી. તેથી સરપંચ ઉષાબેન દિનેશભાઈ હળપતિ સહિત જવાબદાર મળતિયા સામે કાયદેસરની કાર્યવાહી કરવામાં આવે તેવી લેખિત ફરિયાદ ડીડીઓમાં કરવામાં આવી છે. પંચાયત સભ્ય શ્રી મયુરભાઈએ આ બાબતે જરૂરી એવા દસ્તાવેજી પુરાવા પણ ડીડીઓમાં રજૂ કર્યા છે.
