(વર્તમાન પ્રવાહ ન્યુઝ નેટવર્ક) ચીખલી, તા.21
ચીખલી તાલુકાના તેજલાવ ગામે યુવા એકતા ગ્રાઉન્ડ પર વંકાલ હાઈસ્કૂલના-2002 ના વર્ષ પૂર્વ વિદ્યાર્થીઓ દ્વારા મૈત્રી ભાવના,એકતા ખેલદિલીની ભાવના વધે તેવા હેતુથી ક્રિકેટ ટૂર્નામેન્ટનું આયોજન કરવામાં આવતા મુખ્ય આયોજક શ્રી નિલેશભાઈ વંકાલ મોખાના ભાવેશભાઈ સહિત યુવા ક્રિકેટરોની ઉપસ્થિતિમાં તાજેતરમાં દક્ષિણ આફ્રિકાથી આવેલા રીતેશભાઈ પટેલના હસ્તે દીપ પ્રાગટય કરી દો.નૈનેશભાઈ તથા નિતેશભાઈ દ્વારા ટુર્નામેન્ટને ખુલ્લી મુકવામાં આવી હતી.
ઉપરોક્ત ટુર્નામેન્ટમાંકુલ છ જેટલી ટીમોએ ભાગ લીધો હતો.જેમાં ફાઇનલ મેચમાં ડો.સુજીત પટેલ અને ડૉ.નીરજ મહેતાની ટીમ વચ્ચે ટક્કર જામી હતી.જેમાં રસાકસી વચ્ચે ડો.સુજીત પટેલની ટીમ ચેમ્પિયન થતા તેમને વંકાલ મોખાના ગ્રામ પંચાયત સભ્ય શ્રી દીપકભાઈ અને રનર્સઅપ ડો.નીરજ મહેતાને ઇમરાનભાઈ દ્વાદ ટ્રોફી એનાયત કરવામાં આવી હતી.
ટૂર્નામેન્ટમાં મેન ઓફ ધ સિરીઝ દિવ્યેશભાઈ, બેસ્ટ બોલર કેયુર પટેલ, બેસ્ટ બેટ્સમેન વિવેક પટેલને જાહેર કરાયા હતા. ટૂર્નામેન્ટમાં વંકાલ હાઈસ્કૂલના વર્ષ 2002ના બેચના વિદ્યાર્થી મિત્રો ઉપસ્થિત રહ્યા હતા.
