(વર્તમાન પ્રવાહ ન્યુઝ નેટવર્ક) સેલવાસ, તા.21
દાદરા નગર હવેલી પ્રશાસન દ્વારા સેલવાસ આરડીસીની અધ્યક્ષતામા એક્સાઇઝ વિભાગના અધિકારી અને એમની ટીમ દ્વારા સેલવાસમા પીપરિયા વિસ્તારમાં અને દાદરા ગામે ચેકપોસ્ટની બાજુમા જ બે જગ્યા પર ગેરકાયદેસર દારૂના અડ્ડા પર રેડ પાડવામા આવી હતી. જેમા મોટા જથ્થામા દારૂ અને બિયર મળી આવ્યો હતો. જેને હાલમાં જપ્ત કરી આગળની કાર્યવાહી હાથ ધરવામા આવી છે.
ઉલ્લેખનીય છે કે, દાદરા ગામમાં ઘણી જગ્યા પર સ્થાનિક બુટલેગરો દ્વારા દારૂના અડ્ડાઓ ચલાવવામા આવે છે. હવેવિચારવાની વાત એ છે કે સેલવાસ અને દાદરા વચ્ચે ગુજરાતનુ લવાછા ગામ આવેલુ છે જેની બોર્ડર પર હંમેશા માટે ગુજરાત પોલીસની ટીમ ઉભી હોય છે અને આવતી જતી દરેક ગાડીઓને ચેક કરે છે તો આ દાદરા ગામમા દારૂનો જથ્થો કેવીરીતે પોહચે છે? આજે જે દાદરા ચેકપોસ્ટની એકદમ બાજુમા એક ચાઈનીસ હોટલના નામે આરીફ નામનો વ્યક્તિ અને એની સામેની સાઈડ પર સમીર નામનો વ્યક્તિ ખુલ્લેઆમ દારૂનો ધંધો કરતો આવે છે જેઓને પોલીસનો પણ કોઈ જ ડર નથી.
સ્થાનિક બુટલેગરો દ્વારા જથ્થો સપ્લાય કરવામા આવે છે જે બાબતે પણ પોલીસ અને પ્રશાસન દ્વારા ધ્યાન આપવાની જરૂર છે. આજની રેડ દરમ્યાન સ્થાનિક પોલીસને પણ કોઈપણ જાતની જાણ કરવામા આવી ન હતી. આરડીસી દ્વારા જે કઈ કામગીરી કરી છે એ એક સરાહનીય કદમ છે.જો હંમેશા આવી જ કાર્યવાહી કરવામા આવશે તો ફાટીને ધુમાડે નીકળેલા ગેરકાયદેસર દારૂના અડ્ડા ચલાવનાર લોકોમા ડરનો માહોલ જોવા મળશે.