(વર્તમાન પ્રવાહ ન્યુઝ નેટવર્ક) દમણ, તા.24
દમણ જિલ્લા પંચાયતના પ્રમુખ તરીકે શ્રી નવિનભાઈ પટેલે એક મહિનો પૂર્ણ કરતા મરવડ વિસ્તારના યુવાનોએ તેમનું સ્વાગત કરી શુભેચ્છા પાઠવી હતી.
શ્રી નવીનભાઈ રમણભાઈ પટેલે સંઘપ્રદેશ દમણ જિલ્લા પંચાયતના પ્રમુખ તરીકે એક મહિનો પૂર્ણ કર્યો છે. શ્રી નવિનભાઈ પટેલે છેલ્લા એક મહિનામાં સંઘપ્રદેશના પ્રશાસક શ્રી પ્રફુલભાઈ પટેલના દિશા-નિદેર્શો અને માર્ગદર્શનમાં સંઘપ્રદેશ દમણ જિલ્લાના પ્રત્યેક ક્ષેત્રમાં પ્રગતિ, ગરીબ કલ્યાણની યોજનાઓ, સબકા સાથ, સબકા વિકાસ, સબકા વિશ્વાસના મંત્રને લઈ અંત્યોદય (છેવાડાના વ્યક્તિનો ઉદય) ની તરફ પોતાના પગલા ભરી રહ્યા છે.
છેલ્લા એક મહિનામાં શ્રી નવિનભાઈ પટેલે સતત લોકોને મળીને જિલ્લાની દરેક વ્યક્તિના વિકાસ માટે વડાપ્રધાન શ્રી નરેન્દ્રભાઈ મોદી અને સંઘપ્રદેશના પ્રશાસક શ્રી પ્રફુલભાઈ પટેલની પ્રત્યેક યોજનાઓની માહિતી આપી આ યોજનાનો લાભ પ્રત્યેક વ્યક્તિને કેવી રીતે મળે તે માટે દિવસ-રાત મહેનત કરી રહ્યા છે.
આજે જિલ્લા પંચાયત પ્રમુખ તરીકે એક મહિનો પૂર્ણ થવા પર મરવડ વિસ્તારના યુવાનોએતેમનું સ્વાગત કરી શુભેચ્છા પાઠવી હતી.
