(વર્તમાન પ્રવાહ ન્યુઝ નેટવર્ક) વલસાડ, તા.31
અંકલેશ્વરના પનોલી જી.આઈ.ડી.સી.થી રેતીની ગુણ ભરીને મુંબઈ તરફ જતો ટ્રક નં.પ્ણ્-06-ગ્ષ્-0309નો ચાલક જાવેદ ખાન ટ્રક લઈ મુંબઈ તરફ જઈ રહ્યો હતો. જે દરમ્યાન વલસાડ સુગર ફેક્ટરી નજીક આવેલી વાંકી નદીના બ્રિજ પાસે મુંબઈ તરફ જતી લક્ઝરી બસના ચાલકે બ્રિજ ઉપર ઓવરટેક કરવાની લ્હાયમાં ટ્રકને કટ મારી અકસ્માત સર્જ્યો હતો. આ અકસ્માતમાં મુંબઈ તરફ જતી ટ્રક પલ્ટી ગઈ હતી.
અકસ્માતને લઈ સ્થાનિક લોકો અને વાહન ચાલકો તાત્કાલિક ટ્રકમાં ઇજાગ્રસ્ત જાવેદ ખાનની મદદે દોડી આવ્યા હતા. સ્થાનિક લોકોએ બનાવની જાણ 108 અને વલસાડ સીટી પોલીસની ટીમને કરી હતી. વલસાડ સીટી પોલીસે તાત્કાલિક ઘટના સ્થળે પહોંચી આગળની તપાસ હાથ ધરી હતી.
અકસ્માતમાં ટ્રક ચાલક જાવેદ ખાનને સામાન્ય ઇજાઓ પહોંચી હતી. પોલીસે ઘટના સ્થળેથી ટ્રકના ડ્રાયવરનું નિવેદન નોંધી હાઇવે ઉપર આવેલ સીસીટીવી ફૂટેજ મેળવી અજાણ્યા લક્ઝરી બસના ચાલકને ઝડપી પાડવાના પ્રયાસો હાથ ધર્યા છે.
