એરોકેમ પ્રા.લી. કંપનીમાં આગ બુઝાવવા 6 જેટલા ફાયર ફાઈટરોએ છથી સાત કલાક જહેમત ઉઠાવી હતી
(વર્તમન પ્રવાહ વાપી બ્યુરો) વાપી,તા.25
વાપી જી.આઈ.ડી.સી. વિસ્તારમાં સેકન્ડ ફેઈઝમાં આવેલ એક કંપનીમાં મધરાતે અચાનક ભિષણ આગ લાગતા અફરાતફરી મચી જવા પામી હતી.
વાપી જીઆઈડીસી સેકન્ડ ફેઈઝમાં આવેલ એરોકેમ પ્રા.લી.નામની કંપનીમાં મધરાતે ભિષણ આગ લાગી હતી. આગની ઘટના બાદ વાપી નોટીફાઈડ ફાયર અને નગરપાલિકાના ફાયર ફાઈટરો ઘટના સ્થળે ધસી ગયા હતા. આગની જવાળાઓ દેખાઈ રહી હતી. આ કંપનીમાં અગાઉ પણ આગ લાગી હતી. વારંવાર લાગતી આગની ઘટનામાં કંપનીની ફાયર સેફટી પણ શંકાના દાયરામાં આવી જાય તેમ છે. આગને બુઝાવવા માટે ફાયર બ્રિગેડે છથી સાત કલાક એટલે મધરાતથી સવારથી સતત જહેમત ઉઠાવી આગપર કાબુ કરી લીધો હતો. અલબત્ત આગ લાગવાનું કારણ હજુ અકબદ્ધ છે. ઘટનામાં જાનહાનીનો કોઈ અહેવાલ નથી.