(વર્તમાન પ્રવાહ ન્યુઝ નેટવર્ક) દીવ 31
દીવ નગરપાલિકા-2022ની આગામી ચૂંટણીને ધ્યાનમાં રાખીને વહીવટીતંત્ર દ્વારા ચૂંટણી સંબંધિત પ્રક્રિયા શરૂ કરવામાં આવી છે. આ સંબંધમાં આજે દીવ જિલ્લાના મલ્ટિ પોસ્ટમલ્ટિ વોટ ઈવીએમનું પ્રથમ સ્તરનું ચેકિંગ દીવ કલેક્ટર કચેરીના સભાખંડમાં સવારે 10:00 વાગ્યાથી શરૂ કરવામાં આવ્યું હતું. આ પરીક્ષણ ઈલેક્ટ્રોનિક્સ કોર્પોરેશન ઓફ ઈન્ડિયા લિમિટેડ, હૈદરાબાદના ઈજનેરોએ કર્યું હતું. સુરક્ષાને ધ્યાનમાં રાખીને આ પ્રસંગે વહીવટીતંત્ર દ્વારા પૂરતો પોલીસ બંદોબસ્ત ગોઠવવામાં આવ્યો હતો. ઈવીએમ ચેકિંગ સંબંધિત તમામ પ્રક્રિયાઓનું વિડિયો રેકોર્ડિંગ પણ કરવામાં આવ્યું હતું.
અત્રે નોંધનીય છે કે, જિલ્લા ચૂંટણી અધિકારી અને કલેક્ટર, દીવ દ્વારા આ સંદર્ભે દીવ જિલ્લાના તમામ રાજકીય પક્ષો/અધિકારીઓ/પ્રતિનિધિઓને વેરહાઉસ ખોલવા અને બંધ કરવા અને ઈવીએમના પ્રથમ સ્તરના ચેકિંગ દરમિયાન આ અંગેની માહિતી જારી કરવામાં આવી છે. ઉપરાંત એ પણ સલાહ આપવામાં આવી હતી કે આ સમયદરમિયાન, માન્ય ફોટો ઓળખપત્ર/પાસ વિના મોબાઇલ ફોન, કેમેરા, લાઇટર વેરહાઉસ અથવા ઇવીએમ પરીક્ષણ રૂમની નજીક લઈ જવાની મંજૂરી આપવામાં આવતી નથી.
