(વર્તમાન પ્રવાહ ન્યુઝ નેટવર્ક) સેલવાસ,તા.05
દાદરા નગર હવેલીમાં છેલ્લા ચોવીસ કલાક દરમિયાન રીમઝીમ રીમઝીમ પાંચ ઇંચથી વધુ વરસાદ પડયો હતો. સેલવાસમાં 129 એમએમ પાંચ ઇંચથી વધુ વરસાદ પડયો છે.
સિઝનનો કુલ વરસાદ 492 એમએમ થયો છે. મધુબન ડેમનું લેવલ 70.30 મીટર છે. ડેમમાં પાણીની આવક 6490 ક્યુસેક છે અને પાણીની જાવક 353 ક્યુસેક છે. સતત વરસતા વરસાદના કારણે દાનહના ઘણાં વિસ્તારોમાં કેટલાક રસ્તાઓ પણ ખખડધજ બની જવાના કારણે વાહનચાલકો અને રાહદારીઓને ભારે તકલીફનો સામનો કરવા પડી રહ્યો છે.
અત્રે નોંધનીય છે કે દર વર્ષે ચોમાસા પહેલાં ઉખડ ખાબડ રસ્તાઓ રિપેરીંગ કરાતા નહીં હોવાના કારણે રસ્તાઓ ઉપર મસમોટા ખાડાઓ પડી જતા હોય છે અને જનતાએ દર વર્ષે ભોગગવાનું આવતું હોય છે.
