-
વરસાદનો લાભ લઈ કંપનીઓ દ્વારા દમણગંગા નદીમાં કેમિકલવાળું પાણી છોડાયું
-
મધુબન ડેમના છ દરવાજા એક મીટર સુધી ખોલવામાં આવ્યા
-
વરસાદને કારણે મુખ્ય રસ્તાઓ પર ખાડા પડયા
(વર્તમાન પ્રવાહ ન્યુઝ નેટવર્ક) સેલવાસ, તા.08
છેલ્લા બે દિવસથી દમણ અને દાદરા નગર હવેલીમાં એક અઠવાડિયાથી અનરાધાર વરસાદ વરસી રહ્યો છે. હવામાન વિભાગ દ્વારા ભારેથી વધુ ભારે વરસાદ પડવાની આગાહી કરવામાં આવી છે. દાદરા નગર હવેલીમાં વરસાદનો લાભ લઈ કેટલીક કંપનીઓ દ્વારા દમણગંગા નદીમાં કેમીકલવાળું પાણી છોડવામાં આવી રહ્યું છે. સદંતર વરસાદ પડવાને કારણે પ્રદેશના કેટલાક મુખ્ય તથા ગ્રામ્ય રસ્તાઓ પર ખાડાઓ પડી ગયા છે જેના કારણે વાહનચાલકોને પારાવાર મુશ્કેલીઓનો સામનો કરવા પડી રહ્યો છે. સેલવાસમાં છેલ્લા 24 કલાક દરમિયાન 181.2એમએમ 7.24 ઇંચ વરસાદ પડયો છે. જ્યારે સિઝનનો કુલ વરસાદ 729 એમએમ 29.16ઇંચ થયો છે. મધુબન ડેમનું લેવલ 71.55 મીટર છે. ડેમમાં પાણીની આવક 39507 ક્યુસેક અને ડેમના છ દરવાજા એક મીટર જેટલા ખોલવામાં આવ્યા છે અને 32831 ક્યુસેક પાણીછોડવામાં આવ્યું છે.