(વર્તમાન પ્રવાહ ન્યુઝ નેટવર્ક)
સેલવાસ, તા.28: દાનહની ડો. એ.પી.જે. અબ્દુલકલામ સરકારી કોલેજ ખાતે રૂબર્ન ક્લીનટેક કંપનીના આઈઈસી પ્રવૃત્તિ અંતર્ગત ટ્રાફિક વિભાગના સહયોગ દ્વારા વિદ્યાર્થીઓ માટે ટ્રાફિક પોલીસ અને માર્ગ પરિવહન વિભાગ દ્વારા જારી કરવામાં આવેલ કાયદેસર લાયસન્સ સાથે રાખવું, ડ્રાઈવીંગ કરતી વખતે સીટબેલ્ટ બાંધવો, ફરજીયાત હેલ્મેટ પહેરવું, વાહનના જરૂરી દસ્તાવેજ જેવા કે વીમો, પીયુસી, આર.સી. બુક સાથે રાખવી, વાહન ચલાવતી વખતે દારૂ-શરાબનું સેવન નહીં કરવું, ટ્રિપલ સવારી કરવી નહીં જેવા વિવિધ નિયમો અંગે જાણકારી આપી હતી. સાથે વિદ્યાર્થીઓને લઘુ ફિલ્મ પણ બતાવવામાં આવી હતી.
