(વર્તમાન પ્રવાહ ન્યુઝ નેટવર્ક)
સેલવાસ, તા.28: સંઘપ્રદેશ દાદરા નગર હવેલી અને દમણ-દીવ પ્રશાસનના ખેલ અને યુવા વિભાગ દ્વારા પ્રિ-સુબ્રતો મુખરજી કપ ફૂટબોલ ટૂર્નામેન્ટ-2022નું બે દિવસીય આયોજન દાનહ જિલ્લાની સરકારી અને ખાનગી શાળાના બાળકો માટે સેલવાસના ફૂટબોલ સ્ટેડીયમ ગ્રાઉન્ડમાં કરવામાં આવ્યું હતું.
આજે અંડર 14 બોયઝ અને ગર્લ્સ તથા અંડર 17 બોયઝ અને ગર્લ્સ માટે ટૂર્નામેન્ટ યોજાઈ હતી. આ ટૂર્નામેન્ટમાં બોયઝ અને ગર્લ્સ ફાઈનલમાં જે શાળાના બાળકો વિજેતા બનશે તેઓ આગામી દિવસે 1 ઓગસ્ટના રોજ દમણમાં થઈ રહેલ ઈન્ટર ડીસ્ટ્રીકટ ટૂર્નામેન્ટમાં ભાગ લેશે. અહીં જે ટીમ વિજેતા બનશે તે ટીમ 61મા એડિશન ઓફ સુબ્રતો મુખરજી કપ ઈન્ટરનેશનલ ફૂટબોલ ટૂર્નામેન્ટમાં રમવા માટે નવી દીલ્હી ખાતે 1 સપ્ટેમ્બરથી 17 ઓક્ટોબર સુધી આયોજીત થનાર ટૂર્નામેન્ટમાં ભાગ લેશે.