કાન્તા પ્રસાદ ઘરમાં સુતો હતો તે દરમિયાન ઘટના ઘટી
(વર્તમાન પ્રવાહ વાપી બ્યુરો)
વાપી, તા.12: વાપી રેલવે લાઈન જે ટાઈપ રોડ ઉપર આવેલ પેટ્રોલ પમ્પના કર્મચારી ઉપર આજે શુક્રવારે ઘરમાં હતો ત્યારે અચાનક છ ફૂટની દિવાલ ધસી પડતા કર્મચારી દબાઈ જતા દોડધામ મચી જવા પામી હતી.
વાપી ટાંકી ફળીયાના નાકે આવેલ જોરાસ્ટીન પેટ્રોલ પમ્પ ઉપર કાન્તા પ્રસાદ નામનો કર્મચારી પેટ્રોલ ભરવાની કામગીરી કરે છે તેમજ પમ્પની પાછળ આવેલી રૂમમાં રહે છે. ગુરૂવારે રક્ષાબંધનની તેણે રજા લીધી હતી અને ઘરે જ હતો. આજે સવારે ઘરમાં સુતેલો હતો ત્યારે અચાનક ઘરની છ ફૂટની દિવાલ ધસી પડી હતી. જેના કાટમાળ નીચે તે દટાઈ ગયો હતો. લોકો અને પેટ્રોલ પમ્પના કર્મચારીઓ દોડી ગયા હતા. કાટમાળ નીચે દટાયેલા કાન્તા પ્રસાદને બહાર કાઢયો હતો અને નજીકની હોસ્પિટલમાં સારવાર માટે ખસેડયો હતો.
