(વર્તમાન પ્રવાહ વાપી બ્યુરો)
વાપી, તા.18: વાપી સેલવાસ રોડ જીઆઈડીસી વી.આઈ.એ. નજીક આવેલ ઈન્ડસ્ટ્રીયલ ગાળામાં કાર્યરત એક ઈલેક્ટ્રીક દુકાનમાં રવિવારે સવારે 10 વાગ્યાના સુમારે અચાનક આગ લાગતા દોડધામ મચી જવા પામી હતી.
સેલવાસ રોડ ભિલાડવાળા બેંકની સામે આવેલઈન્ડસ્ટ્રીયલ કોમ્પ્લેક્ષમાં કાર્યરત વશી ઈલેક્ટ્રીકલ નામની દુકાનમાં સવારે 10 વાગ્યાના સુમારે અચાનક દુકાનમાંથી ધુવાડાના ગોટા દેખાતા લોકો દોડી આવ્યા હતા. ફાયર બ્રિગેડને જાણ કરવામાં આવી હતી. ફાયર બ્રિગેડે જહેમત કરી આગ પર કાબુ કરી લીધો હતો. આગ શોર્ટ સર્કિટથી લાગી હોવાનું જાણવા મળ્યું છે.