દમણ રહેતો નરેશ પુરબીયાની બાઈક પોલીસે તપાસી તો ડાયરેક્ટ હતી અને પેપર નહોતા તેથી પોલીસે એક લાખનો મુદ્દામાલ જપ્ત કરી અટક કરી
(વર્તમાન પ્રવાહ વાપી બ્યુરો)
વાપી, તા.21: વાપી કબ્રસ્તાન રોડ ઉપર ટાઉન પોલીસ આજે વાહન ચેકીંગ કરી રહી હતી ત્યારે બલીઠા તરફથી આવી રહેલ બાઈક ચાલક યુવાનને ઉભો રાખી ચેકીંગ કર્યું હતું. બાઈકની ચાવી નહી હોવાથી પોલીસે પેપર માંગ્યા હતા. જે રજૂ નહી કરતા પોલીસે અટક કરી કાયદેસરની કાર્યવાહી કરી હતી.
પોલીસે પોકેટ કોપ એપ્લીકેશનથી એકવાહન ચોરીનો ભેદ ઉકેલ્યો હતો. કબ્રસ્તાન રોડ ઉપર પો.કો. વિજય માધવરાવ, ગનુભાઈ, ભારતસિંહએ વાહન ચેકીંગ કામગીરી હાથ ધરી હતી ત્યારે બલીઠા તરફથી આવી રહેલ વી.એસ. રાઈડર બ્લેકદ મો.સા. નં.જીજે 15 ડી.આર. 5992ને અટકાવી ચેકીંગ કરેલ ત્યારે બાઈક ડાયરેક્ટ હતી. ચાવી નહોતી તેથી પોલીસે જરૂરી કાગળો માંગ્યા હતા. જે બાઈક ચાલક રજૂ નહિ કરી શકેલ તેથી દમણ હાટીયાવાડ રમણભાઈની ચાલ રૂમ નં.100 માં રહેતા નરેશ વિનોદભાઈ પુરબીયાની અટક કરી હતી. પોકેટ કોપ એપ્લીકેશન પોલીસ તપાસના વાહન માલિક અમન અરૂણભાઈ ગુપ્તા રહે.વલસાડનું નામ જણાઈ આવ્યું હતું. તેથી પોલીસે આરોપીની અટક કરી મોબાઈલ, બાઈક મળી 1 લાખનો મુદ્દામાલ જપ્ત કર્યો હતો.
