ધરમપુર તા.પં. સભ્ય કલ્પેશ પટેલએ ધરમપુર પો.સ્ટે.માં લેખિત ફરિયાદ નોંધાવી
(વર્તમાન પ્રવાહ વાપી બ્યુરો)
વાપી, તા.21: ધરમપુરમાં બારોલીયામાંકાર્યરત કન્યા સાક્ષરતા નિવાસી શાળામાં બાળકો સાતે ચાલી રહેલ અશિસ્ત અંગે ધરમપુર તા.પં.ના અપક્ષ સભ્ય કલ્પેશભાઈ પટેલએ આજે બુધવારે ધરમપુર પો.સ્ટે.માં લેખિત ફરિયાદ કરી જરૂરી યોગ્ય પગલા ભરવાની માંગ કરી હતી.
કલ્પેશભાઈ પટેલએ કરેલી લેખિત ફરિયાદ અનુસાર હોસ્ટલમાં રહેતા બાળકોના નહાતી વખતે રસોયાઓ દ્વારા ફોટા પાડવામાં આવે છે તેમજ ગંદી કોમેન્ટ વિદ્યાર્થીઓને અપાઈ રહી છે તેમજ રસોઈ અને મેનુમાં વેઠ ઉતારાઈ રહી હોવાની કરચોંડની વિદ્યાર્થીઓ દ્વારા ઉઠેલી ફરિયાદો બાદ આ મામલો પોલીસ સુધી પહોંચ્યો છે. વિદ્યાર્થીઓ પંખા ચાલુ રાખે તો દંડ વસુલવા જેવી કથિત ગેરરીતીઓ અંગે ધરમપુર પોલીસ સ્ટે.માં લેખિત ફરિયાદ કરવામાં આવી છે. તેમજ જો યોગ્ય પગલાં નહી ભરાય તો આગામી સમયે તાળાબંધી કરવાની ચિમકી પણ આપવામાં આવી છે.
