વલસાડમાં એક્ટિવા ચાલકનું અજાણ્યા વાહનની ટક્કરમાં મોત નિપજ્યું
(વર્તમાન પ્રવાહ વાપી બ્યુરો)
વાપી, તા.22: વાપી-વલસાડ વિસ્તારના રોડો ખાડાઓની ભરમારને લઈ યમદૂત બની રહ્યા છે. છેલ્લા 24 કલાકમાં રોડ અકસ્માતમાં બે શખ્શોએ જીવ ગુમાવ્યા છે.
વાપી જી.આઈ.ડી.સી. ચણોદ-નાસિક રોડ ઉપર વિનંતિ નાકા પાસે બુધવારે રાત્રે મશીનરી ભરેલો ટેમ્પો અચાનક રોડના ખાડામાં પટકાયો હતો. જેમાં બેલેન્સ ગુમાવતા ટેમ્પો પલટી મારી ગયો. જેમાં ટેમ્પોની સાઈડમાં ચાલી રહેલ સાયકલ સવાર અને રિક્ષા બન્ને દબાઈ ગયા હતા. રિક્ષા સવારોને નાની મોટી ઈજા પહોંચી હતી. જ્યારે સાયકલ ચાલક મૃતકની ઓળખ થયા મુજબ કૃષ્ણકુમાર કૈલાસ યાદવ (54)નું ઘટના સ્થળે જ મોત નિપજ્યું છે. જ્યારે વલસાડ હાઈવે સરોધી નજીક એક્ટિવા ઉપર સવાર થઈ મસાલા વેચાણ કરવા નિકળેલા આધેડને અજાણ્યા વાહને ટક્કર મારતા સ્થળ ઉપર કરુણ મોત નિપજ્યું હતું. હાઈવે અને લોકલ રોડના ખાડા નિર્દોષોના જીવ લઈ રહ્યા છે.
