(વર્તમાન પ્રવાહ ન્યુઝ નેટવર્ક)
સેલવાસ,તા.18: સેલવાસ કોર્ટ નજીક સામરવરણી તરફ રીંગ રોડ ઉપર નવનિર્મિત બ્રિજ પર છેલ્લા ઘણા સમયથી કામ ચાલી રહ્યું છે જ્યાં એક ડમ્પર કપચી ભરીને આવ્યું હતું જે ખાલી કરવાના સમયે ટેકનિકલ ખામી સર્જાતા હાઈડ્રોલિક સિસ્ટમ પૂર્ણ રીતે નહીં ખુલતા પાછળનો ભાગ પલ્ટી મારી ગયો હતો જેના કારણે કપચી બ્રિજ પરથી સર્વિસ રોડ ઉપર પડી હતી. સંજોગોવસાત ત્યાંથી એક કાર અને મોપેડ સવાર પસાર થઈ રહ્યા હતા જેઓને સામાન્ય ઈજા થઈ હતી અને મોપેડને પણ નુકસાન થયું હતું. કોન્ટ્રાક્ટરની ટીમ દ્વારા ક્રેઈન મશીન બોલાવી ડમ્પરને સીધું કરવાની કાર્યવાહી હાથ ધરવામાં આવી હતી. ઉલ્લેખનીય છે કે30નવેમ્બરના રોજ પ્રધાનમંત્રીનો પ્રદેશમાં પ્રવાસ છે એ દિવસે આ બ્રિજનું પણ ઉદ્ઘાટન કરવામાં આવનાર છે જેથી જોરશોરથી બ્રિજનું કામ ચાલી રહ્યું છે.
