(વર્તમાન પ્રવાહ ન્યુઝ નેટવર્ક)
સેલવાસ/દમણ,તા.08: દાદરા નગર હવેલી અને દમણ દીવ ભારતીય જનતા પાર્ટી દ્વારા ગુજરાત વિધાનસભા ચૂંટણીમાં બમ્પર વિજય પ્રાપ્ત કરી ઈતિહાસ રચ્યો છે. આ જીતની ક્ષણના વિજયોત્સવ રૂપે નરોલી રોડ પર અટલ ભવન સહિત નરોલી ચાર રસ્તા સેલવાસના જાહેર સ્થળો કિલવણી નાકા સરસ્વતી ચોક ખાનવેલ, નાની દમણ બસ સ્ટેન્ડ, કચીગામ, દાભેલ, મગરવાડા, દમણવાડા, ભીમપોર સહિતના વિસ્તારોમાં ફટાકડા ફોડી મીઠાઈ વહેંચી વિજયોત્સવ મનાવવામાં આવ્યો હતો. આ અવસરે પ્રદેશ પ્રમુખ શ્રી દીપેશભાઈ ટંડેલ, જિલ્લા અને શહેરના પદાધિકારીઓ, મહિલા મોર્ચાની ટીમ ઉપસ્થિત રહી હતી.