જુનિયર-સિનિયર બોડી બિલ્ડીંગ સ્પર્ધામાં 100 થી વધુ બોડી બિલ્ડરોએ ભાગ લીધો હતો
(વર્તમાન પ્રવાહ વાપી બ્યુરો)
વાપી, તા.12 વલસાડના ધરમપુર રોડ ઉપર આવેલા આર.પી.એફ.ગ્રાઉન્ડ ઉપર થર્ડ મેન ઓફ સ્ટીલ મિસ્ટર વલસાડ અને બોડી બિલ્ડીંગ સ્પર્ધાનું આયોજન કરવામાં આવ્યું હતું. આ કોમ્પિટિશનમાં 100 થી વધુ બોડી બિલ્ડરોએ ભાગ લીધો હતો.
વલસાડની રાણા જીમના ઓનર આરિષ રાણાના માર્ગદર્શન હેઠળ યોજાયેલ મિસ્ટર વલસાડ 2022-23 બોડી બિલ્ડીંગ સ્પર્ધામાં જુનિયર-સિનિયર 100 થી વધારે બોડી બિલ્ડરોએ ભાગ લીધો હતો. જેમાં હિતેશ પટેલ સિનિયર મેન ફિઝીક્સમાં 170 સી.એમ. કેટેગરીમાં ગોલ્ડ મેડલ સાથે ચેમ્પિયન ઓફ ચેમ્પિયનનો ખિતાબ વિજેતા બન્યો હતો. જ્યારે કરણ ટંડેલ બોડી બિલ્ડીંગ 55 કે.જી.માં સિલ્વર મેડલ વિજેતા બની વલસાડનું ગૌરવ વધાર્યું હતું. ટ્રેનર આશિષભાઈ રાણાએ બન્ને વિજેતાઓને સિધ્ધિ મેળવવા બદલ અભિનંદન પાઠવ્યા હતા.
