પુલ બનાવવાની કામગીરીને લીધે મોટાભાગના વાહનો નૂતન નગર વિસ્તારમાં જોખમી અવર જવર કરી રહેલ છે
(વર્તમાન પ્રવાહ વાપી બ્યુરો)
વાપી, તા.20: વાપી નૂતન નગર વિસ્તારમાં કાર્યરત સરદાર પટેલ યુવક મંડળ પાલિકા ચીફ ઓફિસર અને પ્રમુખને લેખિતમાં રજૂઆત કરીને માંગણી કરી છે કે નૂતન નગર વિસ્તારમાં વિવિધ રોડ ઉપર બમ્પર તથા સ્ટ્રીટ લાઈટ અને ગંદકી જેવી સમસ્યાઓનો ઉકેલની માંગણી કરી છે.
વાપી રેલવે ફલાય ઓવરબ્રિજ બનાવવાની કામગીરી ચાલતી હોવાથી ફાટકથી ગુલઝાર ટ્રાવેલ થઈ મોટા ભાગના વાહનો નૂતન નગરમાંથી અવર-જવર કરી રહ્યા છે. તેથી અકસ્માત સર્જાઈ શખે તે માટે રોડ ઉપર બમ્પર બનાવવાની જરૂરીયાત ઉદ્ભવી છે. ટ્રાફિકનું ભારણ રહેતુ હોવાથી લોકો શોર્ટકટથી આવન-જાવન કરી રહ્યા છે. નૂતન નગરના અમુક વિસ્તારોની સ્ટ્રીટ લાઈટ તથા ગંદકીની સમસ્યા પણ છે તેથી સરદાર પટેલ યુવક મંડળે વિસ્તારની વિવિધ સમસ્યાઓ હલ કરવા માટે પાલિકામાં લેખિત રજૂઆત કરી છે.