ગુજરાત, મહારાષ્ટ્ર, રાજસ્થાન, હરિયાણા, રાજ્યની 50 ટીમોએ ભાગ લીધો
(વર્તમાન પ્રવાહ વાપી બ્યુરો)
વાપી, તા.26: વાપી રોફેલ કોલેજમાં શનિવારે હિંદુ પ્રિમિયર લીગ દ્વારા કબડ્ડી ટૂર્નામેન્ટનું આયોજન કરવામાં આવ્યું હતું. ટૂર્નામેન્ટમાં વિવિધ રાજ્યોની 50 ટીમોએ ભાગ લીધો હતો.
હિંદુ સમાજ યુવાનોને સંગઠિત કરવાના ઉદ્દેશથી વાપીમાં હિન્દુ પ્રિમિયર લીગ-2 પુરુષ કબડ્ડી ટુર્નામેન્ટ રોફેલ કોલેજમાં યોજાઈ હતી. ટૂર્નામેન્ટનું ઉદ્ઘાટન સલવાવ ગુરુકુળના સંત કપિલ સ્વામી, પાલિકા ઉપ પ્રમુખ અભય શાહ, હિંદુ સંગઠનના આગેવાનો અને ડી.વાય.એસ.પી.ના હસ્તે દીપ પ્રાગટય કરીને કરાયું હતું. બે વર્ષથી યોજાતીટૂર્નામેન્ટના વર્ષે ગુજરાત, મહારાષ્ટ્ર, રાજસ્થાન, હરિયાણા જેવા રાજ્યોમાંથી અંદાજીત 50 જેટલી ટીમોએ ભાગ લીધો હતો. ટૂર્નામેન્ટનું કબડ્ડી એસો. ગુજરાત રજીસ્ટ્રેશન કરાયું છે. ટૂર્નામેન્ટમાં વિજેતા ટીમને 15555 રૂા.ના રોકડ પુરસ્કાર અને ટ્રોફી એનાયત કરવામાં આવશે. આ ટૂર્નામેન્ટમાં વાપીની શાળા-કોલેજો તથા વડોદરા એમ.એસ. યુનિવર્સિટી, પારૂલ યુનિ.ના વિદ્યાર્થીઓએ પણ ભાગ લીધો હતો.