(વર્તમાન પ્રવાહ વાપી બ્યુરો)
વાપી, તા.14 : કર્ણાટકમાં આવેલ રાજીવ ગાંધી યુનિવર્સિટી ઓફ હેલ્થ સાયન્સીસ – કોલેજ (આરજીયુએચએસ)માં અભ્યાસ કરતી ડૉ.અદિતિ રાકેશ ગાંધી જેઓએ આયુર્વેદમાં (બી.એ.એમ.એસ., એમ.ડી.) આયુર્વેદ દૃવ્ય ગુણા-વિજ્ઞાનમાં સમગ્ર યુનિવર્સિટીમાં પ્રથમ સ્થાન મેળવી ગોલ્ડ મેડલ પ્રાપ્ત કર્યો છે. જેને સમગ્ર ભારતભરના વિદ્યાર્થીઓમાં વાપીનું તેમજ તેના પરિવારનું નામ રોશન કર્યું છે. ડૉ.અદિતિ ગાંધીના પિતા રાકેશ ગાંધી અને માતા પ્રિતી ગાંધી બંને વાપીમાં આર્ટ ઓફ લિવિંગમાં શ્રીશ્રી રવિશંકર મહારાજની પ્રેરણાથી યોગ ટીચર તરીકે સેવા પ્રદાન કરી રહ્યા છે. જેઓના સંસ્કાર થકી અને પૂ.શ્રીશ્રી રવિશંકર મહારાજના આશીર્વાદથી તેમની પુત્રી ડૉ.અદિતિ ગાંધીએ (આરજીયુએચએસ) યુનિવર્સિટીમાં ગોલ્ડ મેડલ મેળવ્યો છે. વાપીના આર્ટ ઓફ લિવિંગ પરિવાર તથા ગાંધી પરિવાર દ્વારા ડૉ.અદિતિને ખૂબ મોટી સિધ્ધિ હાંસલ કરવા બદલ હાર્દિક શુભેચ્છાપાઠવી છે.