ભવાડામાં રસ્તા બાબતે બે પાડોશીઓ વચ્ચે ઝઘડામાં સામ સામો પથ્થરમારો ચલાવાયેલો જેમાં સતિષ ગાયકવાડનો ભોગ લેવાયો
(વર્તમાન પ્રવાહ વાપી બ્યુરો)
વાપી, તા.21: ધમરપુરના અંતરિયાળ આદિવાસી વિસ્તારોમાં ગામડાઓમાં નાની નાની બાબતોમાં નિરક્ષરતાને લઈ મોટા ઝઘડા વાતવાતમાં થઈ જતા હોય છે. આજે મંગળવારે ધરમપુર નજીક આવેલ ભવાડા ગામે માત્ર રસ્તા જેવી નજીવી બાબતમાં પડોશી વચ્ચે ઝઘડો થયો હતો. જેમાં સામ સામો પથ્થરમારો કરી ખૂની ખેલ કેલાયેલો. જેમાં એક યુવાનને વધુ પથ્થરોવાગતા યુવાનનું મોત થવા પામ્યું હતું.
ધરમપુરના ભવાડા ગામે ખેલાયેલ ખુની ખેલની જાણ ધરમપુર પોલીસને થતા જ પોલીસ કાફલો ભવાડામાં ધસી ગયો હતો. પરંતુ પોલીસ ઘટના સ્થળે પહોંચે તે પહેલાં જ બે જુથો રસ્તાના મામલામાં સામ સામે પથ્થરમારો કરવામાં આવતા વધુ પથ્થરો લાગી જતા ઘટના સ્થળે જ સતિષ ગાયકવાડ નામના યુવાનનું કમકમાટી ભર્યું મોત નિપજ્યું હતું. પોલીસે હત્યાનો ગુનો નોંધી વધુ તપાસ હાથ ધરી હતી.
