(વર્તમાન પ્રવાહ ન્યુઝ નેટવર્ક)
સેલવાસ, તા.28: સેલવાસના ટોકરખાડા વિસ્તારમાં લેન્ડમાર્કની સામે આવેલ વેલ્ડીંગના વર્કશોપમાં બોરિંગની ગાડીમાં વેલ્ડીંગ કરતી વખતે ઝરેલાં તણખાં ડીઝલની ટાંકી પર પડતા બ્લાસ્ટ થયો હતો. જેના કારણેએક વ્યક્તિને ગંભીર ઇજા થઈ હતી.
પ્રાપ્ત વિગત અનુસાર ટોકરખાડા વિસ્તારમાં લેન્ડમાર્કની સામે આવેલ બીજલ એન્જિનિયરીંગ વર્કશોપમાં પાટીદાર બોરવેલનું વાહન તેમાં વેલ્ડીંગના કામ માટે આવી હતી. વેલ્ડીંગ કરતી વખતે વેલ્ડીંગના ઝરેલા તણખાં સીધા ગાડીમાંની ડીઝલની ટાંકી ઉપર પડયા હતા. ડીઝલની ટાંકી ઉપર તણખાં પડતા ટાંકીમાં જોરદાર બ્લાસ્ટ થયો હતો, જેમાં વર્કશોપના માલિક ગજાનનભાઈને ગંભીર ઇજા થવા પામી હતી. ઘટનાની જાણ થતાં પોલીસ અને ફાયર ફાઈટરોની ટીમ ઘટના સ્થળે પહોંચી હતી. અડધા કલાકની ભારે જહેમત બાદ ફાયર વિભાગની ટીમે આગ પર કાબુ મેળવ્યો હતો. ઈજા પામેલા વર્કશોપના માલિક ગજાનનભાઈને 108 એમ્બ્યુલન્સ દ્વારા સેલવાસની શ્રી વિનોબા ભાવે સિવિલ હોસ્પિટલમાં સારવાર અર્થે દાખલ કરવામાં આવ્યા છે.
Previous post