અગ્રવાલ સેવા સમિતિનું ઉત્કૃષ્ટ આયોજન નવસારી, વલસાડ, વાપીની ટીમોએ ભાગ લીધો : જિલ્લામાં પ્રથમવાર ટેરેસ ક્રિકેટ રમાઈ
(વર્તમાન પ્રવાહ વાપી બ્યુરો)
વાપી, તા.02: સામાન્યતહ ક્રિકેટ રમતના મેદાનમાં રમાતી હોય છે. પરંતુ વાપીની મહિલાઓ દ્વારા ક્રિકેટ ટૂર્નામેન્ટનો નવતર સફળ પ્રયોગ કર્યો. શનિવારે વાપી ચલાની એક હાઈરાઈઝ ઈમારતના ટેરેશ ઉપર મહિલા ક્રિકેટ ટૂર્નામેન્ટનું આયોજન કરાયું હતું. જેમાં નવસારી, વલસાડ, વાપીની 11 ટીમોએ ભાગ લીધો હતો.
વાપી અગ્રવાલ સેવા સમિતિ દ્વારા આયોજીત મહિલા ક્રિકેટ ટૂર્નામેન્ટના આયોજક શિલ્પા ગુપ્તાએ જણાવ્યું હતું કે, મહિલાઓ હવે માત્ર ગૃહિણી કે હાઉસ વાઈફ નથી રહી પરંતુ ફીટ એન્ડ ફાઈન માટે મહિલાઓ ક્રિકેટ પણ સારી રીતે રમી શકે છે. જે આજે આયોજીત ક્રિકેટ ટૂર્નામેન્ટ થકી સાબિત થઈ શક્યું છે. ટૂર્નામેન્ટમાં વિજેતા ટીમ અને ખેલાડીઓને પુરસ્કાર આપી સન્માનિત કરાયા હતા. વાપીની મહિલા ટીમ વિજેતા બની હતી. ટૂર્નામેન્ટની આવક પ્રાથમિક શાળાઓની દિકરીઓ માટે વાપરવામાં આવનાર છે. વાપીમાં પ્રથમવાર જ ટેરેસ ક્રિકેટ ટૂર્નામેન્ટનું આયોજન કરાયું હોવાથી મહિલાઓ અને ખેલાડીઓમાં અનેરો ઉત્સાહજોવા મળી રહ્યો હતો.
