એલ.સી.બી.એ. ટેમ્પો સહિત રૂા.9.89 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.03: વલસાડ એલ.સી.બી.એ આજે સોમવારે હાઈવે ધમડાચી પીરૂ ફળીયા પાસેથી કિંમતી ખેરના લાકડા ભરેલો ટેમ્પો ઝડપી પાડી બે આરોપીઓની અટકાયત કરી હતી.
પ્રાપ્ત વિગતો અનુસાર એલ.સી.બી. પોલીસને મળેલી બાતમી આધારે આજે હાઈવે ધમડાચી પાસે ચેકીંગ હાથ ધર્યું હતું તે દરમિયાન બાતમી વાળો આઈસર ટેમ્પોનં.જીજે 15 એવી 5678 ને અટકાવી ચેકીંગ કર્યું તો ટેમ્પોમાં ખેરના લાકડાનો જત્થો ભરેલ મળી આવ્યો હતો. પોલીસે ડ્રાઈવર-ક્લીનરની અટકાયત કરી હતી. ખેરના લાકડા 9540 કિ.ગ્રા. કિં. રૂા.4.77 તેમજ ટેમ્પો મળી પોલીસે કુલ રૂા.9.89 લાખનો મુદ્દામાલ જપ્ત કરી વધુ તપાસ વલસાડ રૂરલ પોલીસને સોંપવામાં આવી હતી.
