કાર નં.જીજે 15 સીજી 6710માં ચાલક ભુંજાઈ ગયો હતો : પોલીસ કાર માલિકની તપાસે શરૂ કરી
(વર્તમાન પ્રવાહ વાપી બ્યુરો)
વાપી, તા.05: વલસાડ હાઈવે સોનવાડા કબીરપથ મંદિર પાસે મુંબઈ તરફ જઈ રહેલા સર્વિસ રોડ ઉપર આજે બુધવારે સવારે અચાનક એક અલ્ટીગા કારમાંભિષણ આગ લાગી હતી. આગમાં કાર ચાલક અંદર જ ભૂંજાઈ ગયો હતો. આગના બનાવ બાદ દોડધામ મચી ગઈ હતી.
વલસાડ હાઈવે ડુંગરી સોનવાડા કબીરપથ મંદિર પાસે આજે સવારે મુંબઈ તરફ જઈ રહેલ સર્વિસ રોડ ઉપરથી અલ્ટીગા કાર નં.જીજે 15 સીજી 6710 ચાલુ હાલત કારમાં અચાનક આગ ભભુકી ઉઠી હતી. જેમાં બનાવની ભયાનકતા એ હતી કે કાર ચાલક જ આગમાં ભુંજાઈ ગયો હતો. રાહદારીઓએ પોલીસ અને ફાયરને ફોન કરતા વલસાડ પાલિકા ફાયરે કલાકની જહેમત બાદ આગને બુઝાવી હતી. પોલીસે મૃતક અને કાર માલિક અંગે વધુ તપાસ હાથ ધરી હતી.