(વર્તમાન પ્રવાહ ન્યુઝ નેટવર્ક)
સેલવાસ, તા.11: દાદરા નગર હવેલીના સાયલી ગામના ગ્રામ પંચાયત કચેરીના નવા મકાનનું આજે ડુંગરપાડા ખાતે દાનહ જિલ્લા પંચાયતના પ્રમુખ શ્રીમતી નિશાબેન ભવરના હસ્તે ખાતમુહૂર્ત કરવામાં આવ્યું હતું. સાયલી ગામના ગ્રામ પંચાયતનો વહીવટ હાલમાં પી.એચ.સી. સેન્ટરમાં ચાલી રહી છે. જેથી ગ્રામજનોની સુવિધા માટે આધુનિક પંચાયત કચેરી સાયલી ગામના ડુંગરપાડા વિસ્તારમાં નવા ગ્રામ પંચાયત કચેરી ભવનનું નિર્માણ કરવામાં આવનાર છે તે માટે આજે ભૂમિપૂજન સાથે ખાતમુહૂર્ત વિધિ આટોપવામાં આવી હતી.
આ અવસરે દાનહ જિલ્લા પંચાયતના પ્રમુખ શ્રીમતી નિશાબેન ભવર સહિત ઉપ પ્રમુખ શ્રી દિપક પ્રધાન, ગામના સરપંચ શ્રીમતી કુંતાબેન વરઠા, જિ.પં. સભ્ય શ્રી પ્રવીણભાઈ, સેક્રેટરી શ્રીમતી પાર્વતીબેન, સામાજીકઅગ્રણી શ્રી માધુભાઈ સહિત પંચાયત સભ્યો, ગ્રામજનો અને કોન્ટ્રાક્ટર શ્રી ઝંડુરામ ઉપસ્થિત રહ્યા હતા.
Next Post