દુકાન માલિકની સમય સુચકતા અને ફાયર સેફટી સાધનોથી આગ બુઝાવી દેવાઈ
(વર્તમાન પ્રવાહ વાપી બ્યુરો)
વાપી, તા.18: વલસાડ નાની ખત્રીવાડમાં આજે મંગળવારે સવારે એક ટી સ્ટોલમાં અચાનક આગ લાગી ઉઠતા બજારમાં દોડધામ મચી ગઈ હતી.
વલસાડ નાની ખત્રીવાડ ભીડભંજન મંદિર પાસે આવેલ દિપક એન્ડ સન્સ નામના ટી સ્ટોલમાં અચાનક શોર્ટ સર્કિટ થવાથી આગ ભભુકી ઉઠીહતી. આગની જાણ પાલિકા ફાયરને કરવામાં આવતા ફાયરની ગાડી ઘટના સ્થળે આવી પહોંચી હતી પરંતુ દુકાનમાં ફાયર સેફટીના સાધનો હોવાથી સમય સુચકતા વાપરી સાધનોથી આગ વધુ ફેલાય તે પહેલાં કાબુ કરી લેવાઈ હતી. આગને લઈ આજુબાજુની દુકાનો તુરંત બંધ થવા લાગી હતી. જો કે આગથી અન્ય કોઈ ખાસ નુકશાન થવા પામ્યું નહોતું.
