(વર્તમાન પ્રવાહ વાપી બ્યુરો)
વાપી, તા.30: આજરોજ શ્રી કનુભાઈ દેસાઈ (નાણાં, ઊર્જા અને પેટ્રોલિયમ મંત્રી શ્રી)અને શ્રી રમણલાલ પાટકર (પૂર્વ રાજ્યકક્ષાના મંત્રી શ્રી)નાં વરદ હસ્તે રોયલ ઈન્ડસ્ટ્રીયલ હબ ખાતે શ્રી કરણ પંચાલનાં નવીન સ્ટાર્ટઅપ ટીકકુ કોન્ડીમેન્ટસ પ્રાઈવેટ લિમિટેડનું ઉદઘાટન કરવામાં આવ્યું. આ સ્ટાર્ટઅપમાં મસાલા, કોફી અને અન્ય રેડી ટુ ઈટ પ્રોડક્ટ્સનું ઉત્પાદન કરવામાં આવશે.
આ પ્રસંગે શ્રી મિલનભાઈ દેસાઈ, શ્રી યોગેશભાઈ કાબરીયા, શ્રી પંકજભાઈ બોરલાઈવાલા, શ્રી સતીષભાઈ પટેલ, શ્રી મિતેશભાઈ દેસાઈ, શ્રી કમલેશભાઈ પટેલ, શ્રી ભાવલેશભાઈ કોટડીયા, શ્રી મુકેશભાઈ પટેલ વગેરે મહાનુભાવોએ ઉપસ્થિત રહી નવીન સ્ટાર્ટઅપને શુભેચ્છા પાઠવી હતી.