(વર્તમાન પ્રવાહ ન્યુઝ નેટવર્ક)
સેલવાસ, તા.03: સેલવાસ નગરપાલિકા દ્વારા હવે ‘ડીસ્પોઝલને કહો બાય બાય, સ્ટીલના વાસણો ઉપયોગમાં લ્યો, પ્લાસ્ટિકને હટાવો અને પર્યાવરણને બચાવો’ના ઉદ્દેશ્ય સાથે ‘સ્વચ્છ સર્વેક્ષણ-2023′ અંતર્ગત બર્તન બેંકની શરૂઆત કરવામાં આવી હતી. જેનું આજે ઉદ્ઘાટન ન.પા. પ્રમુખ શ્રી રાકેશસિંહ ચૌહાણના હસ્તે કરવામાં આવ્યું હતું.
બર્તન બેંક થકી નગરપાલિકા વિસ્તારના રહેવાસીઓને મફતમાં સેવા પ્રદાન કરવામાં આવશે. જેનો તેઓ સાર્વજનિક સમારોહ, ધાર્મિક કાર્યક્રમ સહિત અન્ય કાર્યક્રમોમાં ઉપયોગ કરી શકશે. આ અવસરે ન.પા. પ્રમુખ સહિત કાઉન્સિલરો, અધિકારીઓ અને કર્મચારીઓ ઉપસ્થિત રહ્યા હતા.
