પોલીસે 55 હજારનો મુદ્દામાલ જપ્ત કર્યો : બે આરોપી વોન્ટેડ
(વર્તમાન પ્રવાહ વાપી બ્યુરો)
વાપી, તા.05: વાપી બલીઠામાં સ્મશાન ભૂમિ પાસેથી સ્થાનિક ત્રણ આરોપી 627 બોટલના જથ્થા સાથે પોલીસે ઝડપી પાડયા હતા. જ્યારે અન્ય બે આરોપીને વોન્ટેડ જાહેર કરવામાં આવ્યા હતા.
વાપી ટાઉન પોલીસ પેટ્રોલીંગમાં હતી તે દરમિયાન બલીઠા સ્મશાન ભૂમિ પાસે તપાસ હાથ ધરી હતી. કાર્યવાહીમાં મિલન નટુભાઈ પટેલ રહે.બલીઠા કોળીવાડ, રજની જીતેન્દ્ર નાયક રહે.ભૂતિયા ફળીયા, બલીઠા, આલોક કંપની પાસે તથા મયુર અશોકભાઈ પટેલ રહે.ભૂતિયા ફળીયા પાસેથી પુઠાના બોક્ષમાં ભરેલો 627 દારૂની બોટલનો જથ્થો મળી આવ્યો હતો. પોલીસે એક મોબાઈલ સાથે 55700 રૂા.નો મુદ્દામાલ જપ્ત કર્યો હતો. તેમજ કનીશ કામળી પટેલ અને સોનુ સહાની રહે.દમણને વોન્ટેડ જાહેર કર્યો હતો.
