કોપર પાઈપ વેસ્ટ 204 કિ.ગ્રા., મોબાઈલ ફોન-7, બે મોપેડ મળી કુલ રૂા.2.44 લાખનો મુદ્દામાલ જપ્ત
(વર્તમાન પ્રવાહ વાપી બ્યુરો)
વાપી, તા.08: નાનાપોંઢા ખાતે કાર્યરત મહેતા ટયુબ કંપનીમાં 06 એપ્રિલના રોજ કોપર જથ્થાની ચોરીનો બનાવ બન્યો હતો. જેની તપાસમાં પોલીસને 7 આરોપીઓને ઝડપી પાડવાની સફળતા મળી છે. રૂા.2.44 લાખનો મુદ્દામાલ જપ્ત ચકરી તમામ આરોપીઓને જેલ ભેગા કર્યા હતા.નાનાપોંઢાની મહેતા ટયુબ કંપની લી.માં ગત તા.06 એપ્રિલના રોજ ચોરી થઈ હતી. જેની ફરિયાદ બાદ પોલીસે ચોરીનો ભેદ ઉકેલી દીધો છે. (1) અબ્દુલ કાદીર રહે.લુહાર ફળીયા, નાનાપોંઢા, મૂળ. યુપી. (2) યોગેન્દ્ર મનોજ સોડીયા રહે.વડખંભા, ડુંગરી ફળીયું. (3) શિવમ રાજનુમાર યાજ્ઞિક રહે.નાનાપોંઢા, મસ્જીદ ફળીયું. (4) સિરાજ મજીદ મકરાણી રહે.પાનસ વાંગણ ફળીયુ. (5) શક્તિ જીતેન્દ્ર સીંગ રહે.વલસાડ, મોગરાવાડી. (6) નવસાદ ફકરૂદ્દીન રહે.ભિલાડ, સાંઈ કોમ્પલેક્ષ. (7) પોલ દુરઈ સેલ્પન્ન મુદલીયા રહે.મોગરાવાડી નામના સાત ઈસમો ઝડપાયા છે. પોલીસે કોપર પાઈપ વેસ્ટ 204 કિ.ગ્રા. કિં. રૂા.1.63 લાખ, મોબાઈલ ફોન નં.7 કિં.21,000, 30 હજારના બે મોપેડ મળી કુલ રૂા.2,44,700 નો મુદ્દામાલ ઝડપી તમામ આરોપીને જેલ ભેગા કરી કાયદેસરની કાર્યવાહી કરાઈ હતી.