(વર્તમાન પ્રવાહ ન્યુઝ નેટવર્ક)
સેલવાસ, તા.12: દાદરા નગર હવેલી અને ગુજરાતની બોર્ડર પરઆવેલ પીપરીયા પુલ નીચેથી અજાણ્યા યુવાનની લાશ મળતા આજુબાજુના વિસ્તારમાં સનસની મચી ગઈ હતી. સ્થાનિકો દ્વારા લાશ પડી હોવાની જાણ પોલીસને કરતા લવાછા પોલીસની ટીમ ઘટના સ્થળે પહોંચી હતી અને લાશની ઓળખ કરતા એના ખિસ્સામાંથી આઈ.ડી. કાર્ડ અને આધારકાર્ડ મળી આવ્યા હતા. જેમાં એનું નામ રવિ પ્રતાપ રાવ હોવાનું અને એડ્રેસ સિસવા બસંતપુર-બિહાર હોવાનું જાણવા મળ્યું છે. આ યુવાન ક્યાં રહેતો હતો અને અહીં ક્યાંથી આવ્યો તે અંગેની તપાસ ગુજરાત પોલીસ કરી રહી છે.