પરિયાનો યુવાન તેના સાસરિયા ડુંગરી ખાતે જતાં બની ઘટના
(વર્તમાન પ્રવાહ ન્યુઝ નેટવર્ક)
પારડી, તા.14: પારડી તાલુકાના પરિયા ગામે મોરા ફળિયા ખાતે રહેતો પરિણીત યુવાન હરેશ કાંતિભાઈ પટેલ ઉ.વ. 30 ગત શનિવારના રોજ સાંજે પોતાની સ્પ્લેન્ડર બાઈક ઈંબર જીજે-15-બીડી-6934 પર સવાર થઈ તેના સાસરે ડુંગરીગામ વડ ફળિયા ખાતે જવા નીકળ્યો હતો. ત્યારે તેને ડુંગરીગામની હદમાં વાંગરીયા ફળિયા ખાતેરાવણભાઈના ફાર્મ હાઉસ પાસે હરેશભાઈએ કોઈ કારણસર સ્ટેરિંગ પરથી કાબૂ ગુમાવતાં બાઈક સ્લીપ થઈ રોડની બાજુમાં આવેલા વિલપોલ સાથે અથડાઈ હતી. આ અકસ્માતમાં હરેશભાઈને માથાના ભાગે ગંભીર પ્રકારની ઈજા પહોંચતા સારવાર માટે પ્રથમ પારડી સરકારી હોસ્પિટલ બાદ વધુ સારવાર માટે વલસાડ સિવિલ હોસ્પિટલ ખસેડાયો હતો. જ્યાં સારવાર દરમિયાન હરેશભાઈનું મોત નીપજ્યું હતું. આ અંગે પારડી પોલીસને જાણ કરવામાં આવતા પારડી પોલીસે વધુ કાર્યવાહી હાથ ધરી હતી.
