(વર્તમાન પ્રવાહ ન્યુઝ નેટવર્ક)
પારડી, તા.16: પારડી નગરપાલિકા વિસ્તારમાં સાફ સફાઈ કરી શહેરને સ્વચ્છ રાખતા સફાઈ કર્મચારીઓના આરોગ્યની ચિંતા કરી કલેક્ટરની સૂચના મુજબ પાલિકા ચીફ ઓફિસર બી.બી. ભાવસારના માર્ગ દર્શન અને, પાલિકાના સેનેટરી ઈન્સ્પેકટર ભાવેશ પટેલ, સુપરવાઈઝર પંકજ ગરણીયાની ઉપસ્થિતિમાં પારડી સીએચસી ખાતે મેડિકલ ચેકઅપ કેમ્પ યોજવામાં આવ્યો હતો. જેમાં 25 જેટલા સફાઈ કર્મચારીઓની મેડીકલ તપાસ કરી તબીબે યોગ્ય માર્ગદર્શન આપ્યું હતું. સફાઈ કર્મચારીઓ નગરમાં સાફ-સફાઈ કરી લોકોની આરોગ્યનું ધ્યાન રાખે છે. ત્યારે આ સફાઈ કર્મચારીઓના આરોગ્યને ધ્યાને લઈ મેડિકલ કેમ્પ યોજાયો હતો.
